Presèpi

La nocc l'era funda e l'aria gelada

dü spus i pasava solet in la strada,

lü stracch e lee straca d'un lungo viagg

tirandos adrée do magher bisacc.

Vedendo 'na stala teciada de paja

i sent che dedent gh'è un asen che raja:

«Fermeèmes Giüsepp e passeèm chi la nocc,

chi sem riparàa, podem sarà un occ».

Ma l'è mezanott e s'ved un gran ciar,

al mond l'è vegnüu un bambin bell e car.

Sul tecc una stela sciariss i montagn

e i pastor se deseda, i ciama i cumpagn.

El ciel l'è pien de angei che canta tütt in cor:

«Pas in tera a chi soffre, gloria in Ciel al Signor».

I pastor j è corüu con pegore e agnelin

e i prega inginogiàa davanti al bel bambin,

e i canta tütt in coro coi angei del Signor

beati de adorà per primm el Redentor.

Meneghìn

(da Le vie del bene, Morbegno, novembre 2009)